Joriy yilning 20-mart kuni “Elektromagnit moslashuv markazi” davlat unitar korxonasiga Muhammad al-Xorazmiy nomidagi Toshkent axborot texnologiyalari universiteti talabalari tashrif buyurdi.
Tashrif chog‘ida “EMMM” DUKning boshliq o‘rinbosari A.X.Xashimxodjayev hamda korxonaning malakali muhandislari tomonidan dastlab korxona faoliyati va asosiy vazifalari, sohadagi o‘rni haqida umumiy tushunchalar berib o‘tildi.
Shuningdek, talaba yoshlarga barcha bo‘lim va xizmatlar tanishtirilib, korxonada foydalanib kelinayotgan zamonaviy o‘lchov-uskunalarning texnik imkoniyatlari va radiomonitoring tizimi haqida batafsil ma’lumotlar berildi.
