Informatika oʻqituvchilari uchun bepul kurslarni Raqamli texnologiyalar vazirligi, Abdulla Avloniy nomidagi pedagoglarning professional rivojlanishi va yangi metodikalar taʼlimi milliy ilmiy-tadqiqot instituti hamda Yandex Uzbekistan hamkorlikda ishga tushirdi.
Kurslar doirasida oʻqituvchilar:
Neyron tarmoqlar va ularning qoʻllanilishi haqida maʼlumot oladilar.
Python dasturlash asoslarini, jumladan, asosiy konstruktsiyalar va obyektga yoʻnaltirilgan dasturlash tamoyillarini oʻrganadilar.
Kurslar nazariy va amaliy darslarni oʻz ichiga oladi, bu esa Python dasturlash tilini avvaldan bilmagan holda ham materialni oʻzlashtirish va uni ish faoliyatida darhol qoʻllash imkonini beradi.
Barcha materiallar ishtirokchilarda doimiy ravishda saqlanib qoladi.
Kurslarning asosiy jihatlari:
Python boʻyicha oltita boʻlim; ishda eng muhim mavzular va vazifalarni tanlash imkoniyati.
Oʻqituvchilarga qulay vaqtda oʻqish imkonini beruvchi onlayn-format.
Oʻquvchilar uchun Python dasturlash boʻyicha qoʻshimcha materiallar va avtomatik tekshiruvga ega tayyor vazifalarga kirish imkoniyati.
Roʻyxatdan oʻtish uchun havola orqali qisqa anketani toʻldirish kerak: https://bit.ly/3QOpGPW
